CIG Saúde 061

Nova Web

2009-11-18T21:00:00.002+01:00

Temos nova páxina web oficial dentro do novo portal de webs da CIG-Saúde. A Dirección é:

A partir de hoxe atoparedenos nesta nova dirección. Para facervos máis fácil o cambio copiaremos, pouco a pouco, os artigos máis interesantes publicados neste blog na nova páxina.

Agardamos que a nova páxina vos sexa de utilidade e nos sirva para estar máis cerca de vos e poder informarvos millor.

Un Saúdo, os delegados da Cig-Saúde no 061

Mércores 28: Manifestación en Compostela

2009-10-23T19:56:00.004+02:00

POLO CUMPRIMENTO DOS ACORDOS ASINADOS

RESPETO AOS ÓRGANOS DE NEGOCIACIÓN

MANIFESTACIÓN EN SANTIAGO O MÉRCORES 28 DE OUTUBRO ÁS 11H

DE SAN CAETANO A SAN LÁZARO

PARTICIPA, XOGASTE MOITO

CONVOCAN:

CCOO - CIG-SAUDE - CESM - CSIF - USAE - UGT

Manifestación en Vigo en contra da privatización do novo hospital

2009-10-23T19:45:00.004+02:00

"A privatización prexudica a túa saúde. Hospital Público xa"

O vindeiro xoves 29 de outubro haberá unha gran manifestación en Vigo que sairá do cruce de Gran Vía con Urzaiz as 20h convocada pola Plataforma en Defensa da Sanidade Pública para protestar pola privatización do novo hospital de Vigo.

A Privatización

Prexudica a túa Saúde

HOSPITAL PÚBLICO XA!!!

Para mais información pica aquí

CONCENTRACIÓNS CONTRA A SUPRESIÓN DOS ACORDOS RETRIBUTIVOS

2009-10-19T15:06:00.002+02:00

Os próxmiaos Mércores 20 outubro e Venres 23 de outubro vanse celebrar concetracións nos centros de traballo para amosar o reixeitamento de todas e todos os traballadores do SERGAS ante a decisión do Partido Popular de suprimir os acordos retributivos asinados co goberno anterior.

En compostela, as concetracións son ás 12:00 horas en:

Hospital Clínico
Hospital de Conxo
Hospital Psiquiátrico

Participa xógaste moito

Os locais da Fegas valeron máis de 3.000.000 de €

2009-10-15T16:39:00.006+02:00

Os locais da Fegas están compostos por unha planta de 320 m2 de oficinas, 880 m2 de aulario, 128 m2 de almacén na planta baixa e cinco prazas de garaxe, nos que se gastaron 3.073.881,01 euros no 2003, como recolle a Conselleria de Sanidade nunha nota de prensa. A adquisición destes locais volve á actualidade polas denuncias dos medios de comunicación sobre posibles irregularidades na adquisición polo anterior goberno do PP.

O proxecto de reforma da Central de Coordinación non superaba os 400.000 € (inlcuía climatización, insonorización, asesos, vestiarios, sala de xuntas, despachos, etc) pero para isto non había cartos.

Mentres o 112 mellora instalacións o 061 ...

2009-10-08T12:46:00.006+02:00

Mentras o 112 aumenta nun 50% as súas instalacións para aumentar 19 postos de teleoperador, no 061 metemos 35 no mesmo espazo agravando as condicións de traballo do persoal, que non esquezamos, foron froito de requirimento pola inspección de traballo xa en dúas ocasións. Lede toda a nota de prensa que non ten desperdicio. Esta é a diferenza entre unha boa xestión e a que nos levamos a sufrir anos. Cambiará co novo equipo directivo?

O CAE 112 Galicia duplicará o número de operadores para ofrecer maior axilidade á xestión de emerxencias "Así, o director explicou que a mellora e ampliación dos espazos físicos do CAE 112, supón un aumento da superficie das instalacións nun 50%. Concretamente, as medidas que se van levar a cabo son unha ampliación do 100% da sala de atención telefónica; o aumento do espazo destinado a operadores, traballadores e persoal en xeral –que pasa de 300 a 450 metros cadrados-; a mellora dos espazos operativos e de seguridade destinados a informáticos e persoal de apoio; así como dos espazos destinados a traballadores no referente a zonas de descanso, baños, vestiarios e a climatización do centro."

Texto completo da nota de prensa.

Reunión Comité vs Dirección (07/10/2009)

2009-10-07T19:22:00.009+02:00

Hoxe, día 7 de Outubro celebrouse en Conxo reunión entre a Dirección do 061 e o Comité de empresa. Pasamos a informar dos asuntos tratados

Presentación dos acordos adoptados polo Padroado da Fundación na reunión do día 5 de Outubro:

O director informa:

- Dos cambios na composición do Padroado.

- Da creación dun posto de Coordinador de Enfermaría.

- Do cambio da praza de Xefe de Servizo de Tecnoloxía a un perfil non sanitario.

- O máis axiña posible serán nomeados estes dous cargos.

- Ratificación das Directoras Asistencial e de Xestión e Servizos Xerais.

- Nomeamento formal do Director de Coordinación.

- Aprobación do traslado das bases de Mos, Pontevedra e a acondicionado da base de helicoptero de Ourense. Pendentes do tema presupuestario, sen datas previstas.

- Aproveitando os temas das obras preguntamos por:

Nova base de Ferrol: É necesario contratar unha obra menor no garaxe. Non se trasladará ao persoal ata que se remate esta obra. Non dan prazos.

Nova base de A Coruña: É necesario contratar unha obra menor no garaxe. Non se trasladará ao persoal ata que se remate esta obra. Non dan prazos.

Central: O proxecto de reforma previsto non se pode executar debido a que nunca tivemos cedidos os espazos necesarios para executala reforma. Agora propoñen elaborar un novo proxecto de climatización e renovación de aire que afecte exclusivamente a sala de coordinación e ao CPD. É tal compromiso por solucionar o asunto que a dirección NON da prazos nin para presentar o proxecto. (O último proxecto levou máis de ano e medio para acabar tirandoo ao lixo)

A insonorización, os novos asesos, os vestiarios, etc ... (esixidos pola inspección de traballo e que si estaba no proxecto orixinal) terá que esperar no limbo dos xustos, si é que existe.

Rogos e preguntas:

Calendario de Navidade e 2010 da central?

É unha prioridade para o novo director de coordinación.

Pago gardas localizadas activadas na central?

Pendente de pronunciamento do Sergas.

Prazas 902 (Médicos e DUES)?

Denegadas polo Sergas.

Funcións do coordinador de enfermaría?

Estanse perfilando aínda.

Obxectivos de Coordinación?

É unha prioridade para o novo director de coordinación.

Regularización de trienios como estatutario (previos a estaturización)?

Na nómina de Outubro saldaranse co 90% dos traballadores pendentes deste asunto. O outro 10% terá que esperar.

Figura de Xefe de Garda?

O director plantexa que está a estudiar un cambio xeral na figura dos Xefes de Sala e Xefes de Garda de Coordinación.

Volvemos pedilos nomeamentos.

Volvemos pedir os recontos horarios de coordinación de 2008 e a previsión para 2009, e xa van unhas cuantas veces.

Dues Coordinación

O Director de coordinación informa de que se vai aumentar o número de DUEs por quenda na central de coordinación (xa empezaron hoxe, agora: 3 de mañan, 3 de tarde 2 de noite), así como que os próximos calendarios de DUES abandonaran as quendas de 12 horas para voltar a o sistema tradicional (7 horas de mañan, 7 de tarde e 10 de noite). Pedimos os calendarios oficiais de DUES de coordinación. Entregaron unha copia sen asinar e sen selar.

Preguntamos si a Dirección ten un calendario de negociación do plan funcional?

A intención da dirección é rematala negociación o antes posible, pero non se marca ningunha reunión.

ATAQUE AOS SERVIZOS PÚBLICOS, GRIPEP

2009-10-07T19:17:00.004+02:00

Un novo Virus ataca aos servizos públicos, fundamentalmente a sanidade pública, estudia os seus síntomas e protéxete da nova GRIPE P. Folleto Informativo

Publicadas as notas provisionais de licenciados sanitarios

2009-09-22T17:51:00.003+02:00

Publicadas oficialmente na páxina web do Sergas, as notas provisionais dos exercicios de licenciados sanitarios (incluída a nota do exercicio de galego). Así mesmo se abren oficialmente os prazos de reclamación. As reclamacións que foron presentadas unha vez foron avanzadas as notas no verán, darasen por ben formuladas.

Fonte: Información da OPE Facultativos 061 na web do Sergas

O Carácter esencial do 061 non limita o seu dereito a Folga

2009-09-17T10:16:00.003+02:00

Facenomos eco dunha noticia públicado polo Diario Médico sobre o dereito a Folga no 061 de cantabria.

O Tribunal Superior de Xustiza de Cantabria declara nunha sentenza que o carácter esencial do 061 non xustifica que a Administración manteña ao 100% a asistencia en caso de Folga, pois non se logaría a presión propia dun paro laboral.

Fonte: Diario Médico

OPE: Datas Exames

2009-09-11T08:22:00.002+02:00

O Servizo Galego de Saúde publica na web da Xunta as datas dos exames das categorias que restaban por facelos sen información previa aos sindicatos.

As datas son:

MECÁNICO/A-----16-10-09 10:00
FONTANEIRO/A-----16-10-09 16:00
LAVANDEIRO/A----- 17-10-09 10:00
PASADOR/A DE FERRO----- 17-10-09 16:00
TÉCNICO/A DE XESTIÓN DE SISTEMAS E T.I.----- 18-10-09 10:00
LOGOPEDA----- 18-10-09 10:00
TÉCNICO/A ESPECIALISTA DE SISTEMAS E T.I.----- 18-10-09 16:00
ALBANEL----- 18-10-09 16:00
COSTUREIRO/A----- 23-10-09 10:00
TÉCNICO/A ESPECIALISTA EN ANATOMÍA PATOLÓXICA E CITOLOXÍA----- 23-10-09 16:00
TÉCNICO/A ESPECIALISTA EN IMAXE PARA O DIAGNÓSTICO CLÍNICO----- 24-10-09 10:00
TELEFONISTA----- 24-10-09 10:00
TÉCNICO/A ESPECIALISTA EN HIXIENE BUCODENTAL----- 24-10-09 16:00
PERRUQUEIRO/A----- 24-10-09 16:00
CALEFACTOR/A----- 24-10-09 16:00
GRUPO TÉCNICO DA FUNCION ADMINISTRATIVA-----
25-10-09 9:00
GRUPO DE XESTIÓN DA FUNCIÓN ADMINISTRATIVA----- 25-10-09 12:00
GRUPO ADMINISTRATIVO DA FUNCIÓN ADMINISTRATIVA----- 25-10-09 16:15
TÉCNICO/A E. EN LABORATORIO DE DIAGNÓSTICO CLÍNICO----- 7-11-09 10:00
ELECTRICISTA----- 7-11-09 10:00
TERAPEUTA OCUPACIONAL----- 7-11-09 10:00
TÉCNICO/A EN COIDADOS AUXILIARES DE ENFERMERÍA----- 7-11-09 16:00
PINCHE----- 8-11-09 10:00
TÉCNICO/A ESPECIALISTA EN RADIOTERAPIA----- 8-11-09 10:00
TÉCNICO/A SUPERIOR DE SISTEMAS E T.I.----- 8-11-09 10:00
CELADOR/A----- 8-11-09 16:00
FISIOTERAPEUTA----- 14-11-09 10:00
TRABALLADOR/A SOCIAL----- 14-11-09 10:00
CARPINTEIRO/A----- 14-11-09 10:00
ENXEÑEIRO/A TÉCNICO/A----- 14-11-09 10:00
ENFERMEIRO/A E. EN OBSTETRICIA-XINECOLOXÍA (MATRÓN/A)----- 14-11-09 10:00
ENFERMEIRO/A ESPECIALISTA EN SAÚDE MENTAL----- 14-11-09 10:00
PERSOAL DE ENFERMERÍA (ATS/DUE)----- 14-11-09 16:00
GRUPO AUXILIAR DA FUNCIÓN ADMINISTRATIVA----- 15-11-09 9:30
PERSOAL DE SERVIZOS XERAIS----- 15-11-09 13:00
COCIÑEIRO/A----- 15-11-09 17:00

Mesa Sectorial 04 Setembro de 2009

2009-09-08T17:00:00.002+02:00

A Orde do día tiña 3 puntos:

1.Gripe A: Este asunto tratouse dende 3 apartados, Saúde pública, 061 e RRHH, aparentemente o asunto está controlado a nivel asistencial e a nivel de Recursos Humanos fixeron entrega do documento borrador de instrucción para regular as medidas en materia de persoal como consecuencia da pandemia da Gripe A (suspensión de licencias e vacacións, saúde laboral, xornada…etc).

2. Xestión eficiente da actividade cirúrxica: Neste asunto nós pretendiamos retomar a negociación da “Redefinición do Específico”, pero diso non quixeron saber, dixeron que máis adiante farian eles unha proposta (non se sinten na obriga de asumir o acordado co goberno do bipartito), e o que dixeron é que van controlar con mecanismos de xestión (eficacia, eficiencia, control) o PERLE (PLAN ESPECIAL DE REDUCCIÓN DE LISTAS DE ESPERA), para eles isto estaba a funcionar dun xeito moi malo e agora o van a controlar e pensan que con esta ferramenta de xestión será dabondo para mellorar o sistema. Consideran que se se lle fai un seguimento ao PERLE e se vixila que cumpran obxetivos poderán derivar ás tardes só aquilo indispensable.

3.Plan de Traballo da Mesa Sectorial: Puxeron enriba da mesa que as suas prioridades eran: Pacto de contratacións (neste asunto plantexamos tamén a necesidade de listas para o 061 e CTG que están pendentes), Plan Mellora Atención primaria (semella vanse paralizar as prazas previstas para este ano), Carreira Ordinaria (precisar que informan de que co déficit que hai na Consellería é imposible afrontar o asunto do entronque da carreira ordinaria coa extraordinaria).

Desde CIG-Saúde preguntamos por máis asuntos para nós importantes: OPE (non pensan suspender nada, manteñen as previsións de outubro e novembro, para a semana confirmarán que categorías van en cada fin de semana), tamén dixemos que había que falar nalgún momento da xornada da xente de urxencias de primaria e que tiñamos que retomar as Comisións de seguimento do Acordo Marco.

Documentos relacionados:

Instruccións en materia de persoal como consecuencia da pandemia da Gripe A

Resumo medidas en material de persoal

Fontes: Cig-Saúde; Cig Saúde O Barco, Cig Saúde Vigo

Reunión Comité vs Dirección (26/08/2009)

2009-08-25T20:38:00.007+02:00

O pasado 26 de Agosto celebrouse unha reunión entre a Dirección da Fundación e o Comité de Empresa. O noso resumo é o seguinte:

Presentación do novo Director.

O director non tiña pensado manter unha reunión co comité de empresa ata despois do padroado onde fora nomeado formalmente, pero como ese padroado non se vai celebrar ata a segunda quincena de setembro, finalmente convocou esta reunión.

Xa ten pensados unha serie de cambios para o 061: redefinir obxectivos, novo organigrama, redistribuir funcións, etc. Pero non vai desvelar máis datos ata despois de ter a autorización do padroado. Tan pronto se celebre o padroado promete convocar outra reunión para informar.

Presentación do dispositivo establecido para a continxencia da gripe A.

O director presentou o dispositivo para a gripe A, que o día anterior presentará a Conselleira de Sanidade.

En canto a protección dos traballadores, informou que o Sergas vai comprar equipos de protección suficientes para tódolos seus traballadores. Na central de coordinación instalaranse dispensadores de solución hidroalcohólica.

Preguntamos polo plan de continuidade e as medidas concretas, e solicitamos que se elaborara dentro do marco do comité de seguridade e saúde.

Contestaron que nono fixeran porque o Sergas está facendo un para tódolos centros e será o que adoptemos.

Rogos e preguntas.

Os temas pendentes: plan funcional, localizadas, etc, están tamén parados pola dirección ata despois do padroado.

O Galego na O.P.E do 27 de Xuño

2009-06-24T23:23:00.004+02:00

Nunha falta de respeto sen precedenes aos máis de 3700 opositores que se examinan o vindeiro día 27 de Xuño o Goberno da Xunta de Galicia e o Servizo Galego de Saúde decide cambialos criterios da O.P.E. a falta de 3 días para a súa celebración.

Mañá ou pasado publicaran no DOG a modificación da convocatoria de OPE, isto tamén será de aplicación ao resto de categorías. Aplicación pura e dura da modificación da Lei de Función Pública.

O exame da parte de lexislación será en bilingüe, a/o opositor elixirá o idioma.

Exame de galego: quedarán exentos de realizar esta proba o persoal que acredite ter os seguintes cursos: CELGA 4 ou curso de perfeccionamento; tamén quedaran exentos o persoal que teña a validación por cursar estudo de galego durante o bacharelato. Ao persoal que acredite esta documentación outorgaránselles os 5 puntos.

Nos primeiros días do mes de xullo publicarase no DOG unha resolución da Dirección de Recursos Humanos do Servizo Galego de Saúde pola que se abrirá un prazo para que os aspirantes que estean exentos da realización do exercicio de coñecemento da lingua galega acheguen a documentación que acredite que están en posesión dos cursos correspondentes.

O persoal que teña realizado o exame de galego, pero que poda acreditar, no prazo establecido, estar en posesión dos cursos correspondentes, seranlle outorgados os 5 puntos.

Esta nova está publicada na páxina do sergas.

Dende CIG Saúde-061 lamentamos grandemente este concultamento do dereito dos usuarios dos servizos sanitarios a seren atendido no seu idioma.

Reunión Comité vs Dirección (24/06/2009)

2009-06-22T09:59:00.004+02:00

A Dirección da Fundación convocou unha reunión co Comité de Empresa o vindeiro día 24 de xuño ás 11:00 horas nas oficinas administrativas de Conxo , coa seguinte orde do dia:

Localizacións – Plan Funcional.
Actuacións levadas a cabo dende a última reunión coa Inspección Traballo-A Coruña.
Pacto Mobilidade.
Entrega Plan Formación 2009.
Entrega Proxecto Obras CCUS.
Rogos e preguntas.

A LINGUA GALEGA: DEREITO DOS CIDADÁNS, OBRIGA DO GOBERNO

2009-06-18T19:16:00.004+02:00

Diante da proposta de modificación do artigo 35 da Lei da Función Pública Galega, no que pretenden suprimir a obrigatoriedade de que, alomenos, unha das probas de acceso ás Administracións Públicas sexa en galego, as organizacións CCOO, UXT e CIG acordamos convocar unha concentración de delegadas e delegados para o vindeiro día 23, diante do Parlamento, día no que se vai votar a modificación que se propón.

Levaremos unha pancarta unitaria có lema:

*A LINGUA GALEGA: DEREITO DOS CIDADÁNS, OBRIGA DO GOBERNO*

Aquí podes ver cales son as nosas razóns para defender o uso do galego na OPE

Tribunais Facultativos O.P.E. 2008

2009-06-02T13:42:00.003+02:00

No D.O.G. do pasado luns, 25 de Maio de 2009 saíu publicada a Resolución do 19 de maio de 2009, da Dirección de Recursos Humanos, pola que se nomean os tribunais cualificadores de determinadas categorías ou especialidades do proceso selectivo de persoal estatutario do organismo.

O tribunal para as 2 prazas de médico coordinador queda da seguinte maneira:

Membros titulares:

Presidenta: María Dominga Caamaño Martínez.
Secretario: Miguel Anxo Cadavid Rodríguez.
Vogais:

Manuel Bernárdez Otero.
Antonio Rodríguez Rivera.
Marisol Caamaño Arcos.

Membros suplentes:
Presidenta: Emilia Pérez Meiriño.
Secretario: José Antonio Montaos Nieto.
Vogais:

Carlos David Miras Bello.
Román Gómez Vázquez.
Valentín Carpente Montero.

Permisos electorais 7 xuño

2009-06-02T13:40:00.002+02:00

Aqui podes consultar a normativa do SERGAS para a concesión de permisos en materia electoral para as votacións europeas do domingo próximo.

Plan Funcional

2009-05-18T11:42:00.005+02:00

Ante a situación de bloqueo do Plan funcional por parte de Dirección do 061 a Cig-Saude solicituo na Mesa Sectorial de Negociación do Persoal do Servigo Galego de Saude (Celebrada o 15 de Maio de 2009) que a Directora de Asistencia Sanitaria presente o plan funcional do 061.

Exames Facultativos O.P.E. 2008

2009-05-16T10:47:00.003+02:00

Segun información remitida polo sergas os exames de facultativos serán o 27 de Xuño de 2009.

Reclamación Trienios

2009-05-04T20:00:00.004+02:00

Están no Departamento de Recursos Humanos da Fundación os recoñecementos dos trienios laborais como trienios estatutarios. Estes non inlcúen o tempo que podades ter traballado para a administración antes de traballar na Fundación.

Para que se vos recoñeza o tempo traballado para a administración fora da Fundación, tedes dúas posibilidades: Non facer nada e esperar a que a administración os recoñeza coa documentación enviada para a estaturización ou facer unha reclamación. Nos cremos que vendo como van as cousas é millor facer a reclamación.

Para facer a reclamación hai un mes dende que recolledes o recoñecemento en RRHH (ponde a data de recollida ao firmar o recibín). Debedes presentar a reclamación nun rexistro oficial dirixida a Director/Directora Provincial, acompañandoa con:

- Certificado de servizos prestados (do tempo que reclamades) en formato Anexo I.

- Fotocopia da resolución dos trienios laborais.

- Anexo A do RD 1181/1989

- Anexo II cuberto

Si tedes dúbidas ou necesitades os anexos e modelos dos que falamos, podevos en contacto con calquera delegado da CIG Saúde 061.

Carteleira de Quendas de 2009

2009-05-04T19:49:00.003+02:00

A Dirección do 061 incumpre a promesa de presentar a carteleria de quendas de traballo da central de coordinación, correspondetes ao que queda de ano 2009. A dirección do 061 fixárase como tope o 30 de abril de 2009.

Esta é unha mostra máis da pouca credibilidade da dirección do 061, que non é capaz de presentar unha proposta sobre as quendas da central ni aínda tendo abreta proposta de expediente sancionador pola inspección de traballo.

E xa vai para 2 anos.

Apertura listaxes de contratación diversas categorias

2009-04-17T08:32:00.003+02:00

Hoxe 17 de abril, publícase no Diario Oficial de Galicia, a resolución do 1 de abril de 2009, da División de Recursos Humanos e Desenvolvemento Profesional, pola que se formaliza a incorporación de novos méritos polas persoas aspirantes xa inscritas e a selección de novas persoas aspirantes para vinculacións temporais nas institucións sanitarias deste organismo en categorías de persoal:

Médico de familia
Pediatra
Persoal médico de urxencias hospitalarias
Odontóloga e odontólogo
Persoal de enfermaría (DUE)
Matrona e matrón
Auxiliar de enfermaría
Cociñeira e cociñeiro

O prazo de presentación de solicitudes será o comprendido entre as datas do 20 de abril e o 9 de maio (ambos incluídos).

Listas Contratacións DUE 061

2009-03-27T11:31:00.003+01:00

Como sabedes estase a negociar a convocatoria de selección temporal para persoal médico de familia, pediatras, persoal médico de urxencias hospitalarias, odontólogas e odontólogos, persoal de enfermería (DUE), matronas e matróns, auxiliares de enfermería e cociñeiras e cociñeiros

A situación despois da mesa central de vinculacións temporais 25-03-09 queda como sigue:

A Enfermería do 061 terá unha lista propia e farase unha convocatoria de carácter complementario a esta mais adiante. E dicir, a convocatoria de selección temporal para o 061 non saíra agora.

Isto afecta tanto ao DUE asistencial como a DUE de coordinación.

Por outro lado, cando se negocie a convocatoria da lista de Enfermería do 061 a Cig-Saude solicitará que se bareme a puntuación derivada dos exames da selección do 2006 do 061.

Periodo Neutro

2009-03-10T18:10:00.003+01:00

A consideración das baixas por enfermidade como periodo neutro é un deireito do persoal estatutario, recoñecido na Lei 55/2003, do 16 de decembro, do Estatuto Marco do persoal estatutario dos servizos de saúde no seu artigo 58:

Artigo 58. Carácter dos períodos de descanso.
3. O período de vacación anual retribuída e os períodos de baixa por enfermidade, serán neutros para o cálculo dos promedios previstos nos artigos 47, 48, 52 e 54 desta lei.

Os artigos 47, 48, 52 e 54 fan referencia respecitvamente á xornada ordinaria, xornada complementaria, descanso semanal e réxime de descanso alternativos.

Que significa periodo neutro, pois que as quendas de traballo que o traballador tiña asignadas durante a súa baixa computan como realizadas nun número de horas iguais ao das quendas asignadas. Non podendo aplicar a administración ponderacións nese número de horas.

Por último, folga decir que este dereito é totalmente independente das normativas internas establecidas nos centros para os trocos de quendas de traballo.

O.P.E. 2009 Non sanitarios

2009-02-27T20:01:00.002+01:00

Publicado no DOG do 26 de Febreiro a convocatoria de OPE para non Sanitarios. Hai ata o día 31 de marzo para presentar as solicitudes.

Texto completo aquí

Carteleira Marzo Abril e Maio

2009-02-19T20:13:00.005+01:00

A dirección comunicou esta tarde a carteleira de quendas para os médicos coordinadores para os meses marzo, abril e maio. A dirección descartou a proposta dos traballadores e estableceu como carteleira a súa prosposta incial corrixida.

A Cig-Saude lamenta profundamente que a dirección non considerase a opción dos traballadores para este 3 meses.

Reunión coa Dirección Quendas

2009-02-19T20:07:00.003+01:00

Hoxe celebrouse unha reunión entre o comité de empresa e a dirección na que lle trasladamos os acordos dos traballadores de onte.

A dirección comprometeuse a comunicar ao longo de hoxe a carteleira de turnos para marzo, abril e maio.

A dirección comprometeuse a facilitar antes do 30 de abril a carteleira dos 7 meses restantes do ano.

A dirección comunicou que vai celebrar o día 27 o sorteo das vacacións.

Acordouse de celebrar unha reunión o 25 de febreiro para negociar temas pendentes sobre localizadas, vacacións e xornada ordinaria.

Asamblea Médicos Coordinadores

2009-02-18T19:57:00.003+01:00

Na asamblea de hoxe na central de coordinación presentouse a proposta de carteleira de quendas da dirección e a proposta realizada por un grupo de traballadores.

Acordouse que o comité de empresa defenda diante da dirección a proposta realizada por un grupo de traballadores.

Ademáis tamén se acordou que os traballadores estan dispostos a facer quendas con menos persoal no fin de semana que durante a semana, si eso supon un número maior de libranzas en fin de semana.

Carteleira de quendas Central de Coordinación

2009-02-13T13:16:00.003+01:00

O comité de empresa do 061 convocou asamblea de Médicos Coordinadores o día 18 de Febreiro ás 12:00 horas para falar sobre as propostas de carteleiras de quendas.

O tema a tratar e moi importante

Carreira Profesional Ordinaria

2009-02-13T13:08:00.004+01:00

DECRETAZO NON
NEGOCIACION SI

17 DE FEBREIRO 2009
CONCENTRACIÓN NO SERGAS
11:30 HORAS

A Plataforma Sindical formada por (CIG, UXT, CCOO,CSI-CSIF, CESM-SATSE e SAE), esixe a paralización do Decreto, solicitando se retome o proceso negociador dentro do Marco da Mesa Sectorial, para deste xeito poder acadar un modelo de Carreira Profesional Ordinaria á que poida acceder todo o persoal e que recompense o esforzo individual realizado.

Mesa de contratación. Listaxes únicas de área.

2009-01-16T09:38:00.003+01:00

O 15 de Decembro de 2008 celebrouse unha reunión da comisión central de seguimento do pacto de selección temporal.

O acordo máis importante acadado foi aprobar a formalización dunha nova convocatoria de selección temporal para as categorías de médicos de familia, pediatras, odontólogos, persoal de enfermería (ATS/DUE), matronas, auxiliares de enfermería, cociñeiros e médicos de urxencias hospitalarias.

Asemade detreminase que o ámbito de selección das categorías incluídas na convocatoria sexa o de área sanitaria. Este último acordo adóptase coa opinión en contra da CIG.

A previsión é que a apertura de listaxes se faga na primeira quincena de Febreiro. Estas listas finalizaran as propias do 061 para esas categorias. Por exemplo, o persoal de enfermería da lista da área de A Coruña poderán ser chamados para vinculacións temporais en Primaria, CHUAC, HVX, CTG e 061, sendo penalizados no caso de rexeitar un contrato.

Ope 2008: Médicos Coordinadores

2008-12-22T19:55:00.005+01:00

Hoxe, Luns 22 de Decembro de 2008 publicase no DOG a Resolución do 11 de decembro de 2008, da Secretaría Xeral do Servizo Galego de Saúde, pola que se convoca concurso-oposición para o ingreso na categoría de médico/a coordinador/a 061.

Lembramos que:

Saen 2 prazas para médico coordinador do 061.
O modelo de solicitude estará a disposición dos interasados na páxina web do Servizo Galego de Saúde, premendo o icono emprego público, OPE 2008.
O formulario deberá entregarse xunto co xustificante de liquidación ou exención/bonificación de tasas e a fotocopia do NIF/DNI/Pasaporte
O prazo remata o 31 de Xaneiro de 2009

Podes consultalo texto da convocatoria aquí.

Máis información sobre outras categorías na páxina da Cig-Saúde.

Mesa Sectorial 19 Decembro de 2008

2008-12-22T18:15:00.000+01:00

Nesta reunión abordáronse os seguintes temas:

1.- OPE 2008 (resto de categorías).

2.- Orde de integración do hospital de defensa de Ferrol.

3.- Creación das categorías de prevención de riscos laborais: Técnicos superiores e enfermeira/o especialista do traballo.

4.- Carreira Ordinaria.

5.- Correturnos Centro de Transfusión de Galiza. (Este tema inclúeno a Cig-Saude , non figuraba na orde do día enviada polo Sergas.)

Os borradores achegados polo Sergas para o puntos 1,2,3 e 4 están colgados na web da Cig-Saude.

OPE 2008: O Decreto sairá publicado no mes de febreiro. Desde a CIG-SAÚDE solicitamos que o Decreto recolla na convocatoria as prazas creadas polo plano de saúde mental de enfermeira/o especialista . Isto foi aceptado pola Admón e o Decreto recollerá a convocatoria de 13 prazas de enfermeira/o especialista en saúde mental; estas prazas son de nova creación.

Asemade solicitamos que unha vez publicados os Decretos das categorias de nova creación: documentación sanitaria, auxiliares de farmacia, dietista e prevención de riscos se proceda a convocar unha OPE.

Orde de integración do hospital de defensa de Ferrol: Queda definitivamente aprobado o Decreto.

Centro de Transfusión de Galiza: Neste centro había correturnos de ámbito de todo o pais. Agora o persoal é estatutario e o seu nomeamento é de área, pero a dirección segue a utilizar a mesma política de persoal. Isto xa o denunciamos reiteradas veces.

Carreira Ordinaria: CIG-Sáude NON APOIA NIN COMPARTE este decreto, posto que inda que pelexamos na negociación da mesa sectorial por unhas melloras que considerábamos indispensables, estas non chegaron a verse plasmadas nun acordo porque o SERGAS decidiu sacar un decreto en solitario, sen contar cos sindicatos, ou, cando menos, sen contar co apoio de CIG-Saúde.

Posto de persoal directivo vacante

2008-12-11T18:00:00.000+01:00

No DOG d0 11 de Decembro sae publicada a"Orde do 26 de novembro de 2008 pola que se anuncia a convocatoria pública para a provisión, dun posto de persoal directivo vacante na Fundación Pública Urxencias Sanitarias de Galicia-061." O posto o que fai referencia é o de Director/a Asistencial.

Aqui podedes consultala convocatoria.

Reunión Comité vs Dirección (10/12/2008)

2008-12-11T17:02:00.002+01:00

O pasado mércores 11 de Decembro celebrouse reunión entre o Comité de Empresa e a Dirección do 061. O noso resumo é o seguinte:

Programa Funcional 2008-2009 do persoal sanitario da Fundación.

Para aclarar a polémica xurdida nestes días; as horas do plan funcional para médicos asistencias no ano 2008 son 70. E dicir as horas de presenza son 1515 – 70 = 1445.
A dirección propón deixar o relacionado coas localizadas da central para máis adiante. Deixando por escrito no plan funcional o compromiso de cerrar esa negociación antes do 31 de Marzo.
A dirección inclúe os permisos para asistir a congresos (21 horas) pero son incompatibles coas axudas de asistencia.

Revisión conceptos retributivos.

Vanse pagar as horas de xornada como debe ser, axustadas coa reducción. Van facer o recaculo dende 1 de xaneiro de 2008 para médicos coordinadores (localizadas especiais, vips, etc). Tamén se vai pagar o complemento de noites e feirados nas localizadas activadas e nas especiais.
Vanse actualizar o prezo de localizada para Dues dende xuño 2008 co orde de nóminas de 2008.
Vaise aplicar o acordo marco publicado hoxe en DOG.
A dirección di que vai tratar de pagar todo o que de tempo a procesar na nómina de Decembro e o resto nunha complementaria en Xaneiro.

Rogos e preguntas.

Seguen sen esta aprobadas as 13 prazas do 902 polo que non se poden converter os contratos de cúmulo de tarefas en interinidades .
Vai saír “nestes días” os calendarios da central dos 3 primeiros meses a modo de proba e despois sairá o do resto do ano.
Xa empezaron as obras da Base de Coruña.
Aínda non empezaron as obras da Base de Ferrol.

Carreira Extraordinaria: Grao I Publicado

2008-11-26T09:24:00.003+01:00

No DOG de hoxe 26 de novembro saen publicadas as resolución polas que se abre o prazo para que determinado colectivo de persoal laboral das categorías de licenciados sanitarios, categorias diplomado sanitario e categorías de xestión e servizos e sanitarias de formación profesional do sector sanitario público xestionado por entidades adscritas á Consellería de Sanidade e integrado no réxime estatutario polos procesos previstos no Decreto 91/2007 solicite o recoñecemento do grao I de desenvolvemento profesional.

Publícanse 3 resolución:

- Unha para categorías de licenciados sanitarios.

- Unha para categorías de diplomado sanitario.

- Unha para categorías de xestión e servizos e sanitarias de formación profesional.

As solicitudes deben cubrirse en FIDES e despois presentalas a través de calquera dos procedementos do artigo 38 da Lei 30/1992, do 26 de novembro.

A solicitude das categorias de diplomado sanitario e e xestión e servizos e sanitarias de formación profesional deberán dirixirse ao comité de avaliación da entidade en que prestase servizos a 30 de xuño de 2008.

A solicitude das categorias de licenciado sanitario deberá dirixirse á División de Recursos Humanos e Desenvolvemento Profesional do Servizo Galego de Saúde.

O prazo para presentalas solicitudes iniciase mañan e finaliza o 31 de xaneiro de 2009.

OPE 2008: Médicos Coordinadores 061

2008-11-23T16:44:00.002+01:00

Borrador de Convocatoria de Feas, Médicos Familia, Médicos 061, Odontólogos, Farmacéuticos Primaria e Pediatras Primaria.

Borrador de Temario para o 061 e os Odontólogos.

Festivos Locais 2009

2008-11-18T21:23:00.003+01:00

A CORUÑA

24 FEBREIRO ( Martes Entroido )
7 OUTUBRO ( Virxe do Rosario )

FERROL

7 XANEIRO ( S. Xiao )
13 ABRIL ( Chamorro )

LUGO

24 FEBREIRO ( Martes Entroido )
5 OUTUBRO ( S. Froilán )

MOS

24 FEBREIRO ( Martes Entroido )
7 AGOSTO (San Mamede)

PONTEVEDRA

25 FEBREIRO ( Mércores de Cinza )
11 XULLO ( S. Bieito de Lérez )

OURENSE

24 FEBREIRO ( Martes Entroido )
11 NOVEMBRO ( S. Martiño )

SANTIAGO

24 FEBREIRO ( Entroido )
21 MAIO ( Ascensión )

VIGO

17 AGOSTO ( S. Roque )
28 MARZO ( Reconquista )

Por un novo modelo económico e social, a crise que a pague o capital

2008-11-11T12:12:00.003+01:00

A campaña da CIG contra a crise económica culminará, nesta primeira etapa, con manifestacións en toda Galiza o 13 de novembro

Nomeamentos e Carreira

2008-11-05T12:05:00.003+01:00

Para as dúbidas que están a xurdir polos nomeamentos e pola publicación da carreira extraordinaria este luns aclaramos:

Integración Nomeamentos:

As Ordes de integración publicadas en DOG recollen: "Coa resolución de integración a xerencia expedirá o nomeamento estatutario no que se detallará a categoría e o destino dos profesionais,con carácter definitivo ou provisional, segundo corresponda."

Puxémonos en contacto co SERGAS para saber quen ia a facer estes nomeamentos, xa que a xerencia da nosa Fundación non é estatutaria.O SERGAS está a elaborar o modelo de nomeamento e as Xerencias o asinarán por delegación da Conselleira..

Carreira profesional.

O SERGAS infórmanos que no prazo, aproximado, de 3 semanas sairá publicada a resolución do 1º grao de carreira. A dita resolución inicia o prazo de presentación de solicitudes. Para o persoal medica/o ten que saír tamén a resolución do 2º grao, a dita resolución do 2º grao sairá publicada, aproximadamente, un mes máis tarde.
Previo á publicación da resolución teñen pensado convocar as Direccións das Fundacións para explicarlles o procedemento de avaliación.

Si tedes algunha dubida sobre isto podedes chamar a calquera dos delegados de CIG e aclararémolas encantados.

Publicada a Orde de Carreira Extraordinaria para Persoal Integrado

2008-11-03T10:27:00.005+01:00

Publicada no DOGA de hoxe, luns 3 de Novmebro de 2008 a orde de carreira profesional do persoal laboral do sector sanitario público xestionado por entidades adscritas á Consellería de Sanidade e integrado no réxime estatutario polos procesos previstos no Decreto 91/2007

Pulsa aquí para ver os artigos publicados neste blog sobre a carreira extraordinaria. Son un bo resumo da orde.

O próximo paso será a publicación da resolución do Grao I para que o persoal que cumpra os requisitos de acceso a carreira poida facer a súa solicitude. Non debería tardar moito.

Reclamación Nomeamentos

2008-10-30T18:33:00.003+01:00

A Cig-Saude remitíu un correo ao Sergas solicitando que os nomeamentos que se expidan ao aveiro do proceso de estaturización inclúan o destino como reflicte a orde de integración no seu parrafo 4º:

"...
Coa resolución de integración a xerencia expedirá o
nomeamento estatutario no cal se detallará a categoría
e destino dos profesionais, co carácter de definitivo
ou provisional, segundo corresponda.
..."

Esperamos que os que teñen previsto entregar o día 5 de novembro veñan conforme á orde de integración.

Estaturización

2008-10-30T18:25:00.003+01:00

Calendario coas datas de remisión das Resolucións de estatutarización do persoal das fundacións:

Medtec 29/10/2008
Hospital Salnés 30/10/2008
Ingo 30/10/2008
Fegas 30/10/2008
Ctg 30/10/2008
Hospital Verín 31/10/2008
Hospital Virxe da Xunqueira 03/11/2008
Hospital Barbanza 04/11/2008
061 05/11/2008

Fonte:División de Recursos Humanos e Desenvolvemento Profesional do Servizo Galego de Saúde

Orde de Carreira Profesional Extraordinaria

2008-10-30T18:22:00.004+01:00

O Sergas informa que a orde para o acceso á carreira profesional do persoal laboral do sector sanitario público xestionado por entidades adscritas á Consellería de Sanidade e integrado no réxime estatuario polos procesos previstos no Decreto 91/2007, será publicada -previsiblemente- no DOG do vindeiro luns 3 de novembro.

Texto definitivo da Orde

Fonte:División de Recursos Humanos e Desenvolvemento Profesional do Servizo Galego de Saúde

Reunión Comité vs Dirección (27/10/2008)

2008-10-28T17:13:00.002+01:00

O pasado Luns 27 de Outubro celebrouse reunión entre o Comité de Empresa e a Dirección do 061. O noso resumo é o seguinte:

Comunicación da reincorporación de Dª Rosa Alvarez de Blas como Directora de Xestión.

A Directora da Fundación presentou ao comité a Rosa Álvarez de Blas, e informou que é directora de xestión e servizos xerais dende o 30 de Setembro

Cobertura dunha Interinidade en praza vacante nas Bases de Vigo/Mos

A dirección informa de que xurdiu media praza vacante en Mos e media en Vigo. Tamén informa que o criterio do Sergas para a cobertura de prazas vacantes nas que xa había un interino por substitución é diferente ao noso. No 061 víñase ofrecendo de novo a lista de contratación, no Sergas ofrecese ao interino que xa estaba. Considerando que agora somos estatutarios decídese que o correcto é aplicar o pacto de mobilidade interna é a vacante xerada ofertala como no Sergas.

Programa Funcional 2008-2009 do persoal sanitario da Fundación.

O director de coordinación informa que está estudando unha reorganización das localizacións na central de coordinación. Decídese esperar a que o Dr. García presente o novo modelo para negociar a redacción final.

I.T, permisos maternais e paternais son períodos neutro por lei. Para o resto do permisos un día computarase por 7 horas en vez das 4 e pico de agora. O permisos que veñan definidos como “o tempo indispensable para” serán “neutros” no senso de que cóllense as horas que fagan falta.

Admítese que se inclúan ou publiquen os criterios de selección para acceso aos cursos do 061.

Quedase en incluír os permisos para asistir a congresos 21 horas.

Rogos e preguntas.

En vez de dar os tícket de comida non se pode pagar en nómina e que cada un coma onde queira? A dirección queda en estudalo.

A marcha dun coordinador da central vai a ser cuberta? O director de coordinación di que non, que non teñen pensado contratar a ninguén a maiores.

Como están as obras da nova base de Ferrol? A día de hoxe aínda non hai licenza.

Como están Obras na central? O proxecto segue no Servizo de Obras do Sergas. No mesmo sitio que fai un mes.

Porque as horas de médico asistencial se están a pagar a 26,10 € en vez de a 27,98€ que é o que correspondería segundo a redución de xornada? Non hai resposta. Quedan en dar unha resposta.

Preguntase polo número de prazas de xefe de sala na central e polo número de persoas que realizan efectivamente quendas de xefe de sala? A dirección di que hai 14 prazas e ademais 3 persoas que fan de xefe de garda.

Reunión Comite vs Dirección

2008-10-01T19:32:00.007+02:00

O pasado luns, 29 de setembro celebrouse reunión entre o Comité de Empresa e a Dirección do 061. O noso resumo é o seguinte:

Base de Ferrol:

A dirección informa que a remodelación da "casa das monxas" no hospital naval para a nova base de Ferrol está adxudicada pero as obras non poden comezar por falta de licenza municipal. Licenza que se está a tramitar. A Cig-Saúde solicitou copia do rexistro de entrada da solicitude de licenza no concello de Ferrol.
En canto ao accidente laboral, a dirección presentou medicións de emisión de Gas realizadas está mesma maña polo servizos de prevención na que se constatan condicións normais. No obstante, o persoal de garda seguirá a durmir no Hotel en tanto non se atope un emprazamento provisional para a base ata que se entregue a nova base de Ferrol na casa das Monxas.

Dende Cig-Saúde esperamos que se cumpra o compromiso de encontrar de forma rápida unha solución provisional e que se aclare o tema da licenza de obra. Neste post podedes ver o cruce de declaracións entre concello de Ferrol e 061, mentres non se demostre o contrario nos temos que crer á nosa dirección.

Ope 2008:

A preguntas do comité de empresa a dirección informa que as dúas prazas de médico coordinador que apareceron publicadas na OPE 2008 do Sergas son as que se atopaban vacantes a data Xullo 2008. As 6 prazas do 902 aprobadas polo padroado da Fundación non saíron na OPE por que aínda non son unha realidade, xa que non están aprobadas nin por economía nin por función publica. E nono están porque non van aprobar ningunha praza ata que finalice o proceso de estaturización, e o proceso de estaturización non finalizará ata que se expidan os nomeamentos.

Nós pensamos que é unha situación absurda, que está en mans do Sergas desbloquear coa simple expedición dos nomeamentos, que xa pedimos por activa e pasiva en tódalas mesas sectorias. Por outra banda xórdennos dúbidas sobre si finalmente se crearán tódalas prazas para o 902.

Rogos e preguntas:

Reforma da central: O proxecto de reforma está rematado e visado polo colexio de arquitectos, agora atopase na oficina de obras do Sergas para visado. Unha vez obtido este último visado procederase a convocar un concurso público para a adxudicación das mesmas. Tratarán de presentalo proxecto na reunión do comité de seguridade e saúde a celebrar a mediados deste mes de outubro. Tememos que seguiremos a traballar en condicións infrahumanas un ano máis.

Integración co 112: A dirección di non coñecer ningunha noticia ou novidade sobre a posible inmediata integración do 112 e o 061.

Itinerario profesional facultativos

2008-10-01T15:15:00.001+02:00

Como algúns médicos da fundación 061 están preocupados polo tema do itinerario profesional unha vez estatutarizados, queremos informar que ese itinerario ten que ser negociado na mesa de traslados do Sergas como xa se quedara cando o peche da nosa estatutarización, esta mesa será convocada próximamente e a CIGSaude xa ten nos puntos a tratar nela ese tema.

Base de Ferrol

2008-09-27T11:58:00.006+02:00

Queremos dende aquí mostrar a nosa solidaridade e total apoio aos campañeiros da Base de Ferrol que levan dende o dia 21 durmindo nun Hotel ao non ter aseguradas as condicións de seguridade e saúede laboral do seu centro de traballo.

Noticias relacionadas Voz de Galicia:

27 de Setembro

30 de Setembro

01 de Outubro

O.P.E. 2008

2008-09-12T13:05:00.003+02:00

O Día 10 de setembro de 2008 sae publicado no Diario Oficial de Galicia a oferta de emprego público das categorías de persoal estatutario licenciado sanitario do Servizo Galego de Saúde para o ano 2008.

Nesta oferta de emprego paracen 2 prazas de Médico/a Coordinador/a do 061.

Fonte: Diario Oficial de Galicia

Inspección de Traballo

2008-09-05T09:29:00.003+02:00

O pasado 13 de agosto o comité de empresa recibíu carta da inspección de traballo da provincia de A Coruña, na que comunica que vai practicar acta de infracción ao 061 por incumprimento dos requerimentos efectuados pola propia inspección sobre: calendarios de quendas de traballo e vacacións, situación ambiental de temperatura, renovación de aire e climatización da central de coordinación.

Esperemos que esta medida sancionadora motive a dirección do 061 para acometer sen máis demora as actuacións necesarias para resolver os problemas detectados na central de coordinación en canto a seguridade e sáude laboral fai xa de DOUS ANOS.

Extinción das Fundacións Hospitalarias

2008-09-05T08:36:00.004+02:00

O pasado 1 de setembro o Diario Oficial de Galicia publicou o Decreto 183/2008, do 31 de xullo, sobre extinción de fundacións públicas hospitalarias.
Este decreto afecta ás:

Fundación Pública Hospital da Barbanza.
Fundación Pública Hospital Virxe da Xunqueira.
Fundación Pública Hospital de Verín.
Fundación Pública Hospital Comarcal do Salnés.

O decreto implica que o Servizo Galego de Saúde subrogarase na totalidade de relacións laborais do persoal incluíndo o non acollido ás respectivas ordes de integración das fundacións extinguidas. Os centros pasasn a integrarse como centros de xestión do Servizo Galego de Saúde.

A disolución do 061 coma fundación non está contemplada polo de agora, ou sexa, o persoal xa é estatutario(o que se acolleu á orde de integración) pero o modelo de xestión segue a ser o dunha fundación pública.

Xornada DUEs

2008-07-04T09:32:00.003+02:00

Como todos sabedes, someteuse a referendum o tema da xornada de enfermería e gañou o Acordo de Concertación Social do 2001.
O día 2 houbo xuntanza coa Dirección do 061, comunicándolle o resultado da votación. A partires desta decisión, todas as horas estruturais (quendas) que xurdan deben ser cubertas por contratación, o persoal de enfermería non ten xornada complementaria, así que todo o traballo que teña que realizar por encima da xornada debéselle devolver en tempo libre e si non se pode, pagárselle como horas extra.
Esta aclaración é por que agora, cando un DUE sexa activado nunha localizada, nona cobrará aparte, descontaráselle un quenda de traballo na súa base, si non se pode, o final do ano, as horas que teña de mais cobraranse como horas extra.
A CIG intentaremos negociar que ese quenda se lle quite na data que o traballador prefira.
Tampouco temos claro como compensar que ese traballador faga xornada fora do seu centro de traballo xa que no Sergas iso non ten parangón, imaxinamos que isto obrigaría a ter un localizado por centro de traballo. A situación con este sistema de xornada complicase bastante desde logo.

Reunión da Dirección co Comite de Empresa 27 Xuño

2008-06-25T16:26:00.003+02:00

A dirección do 061 convocou unha reunión co comité de empresa o venres 27 de xuño as 10:00 con un único punto do día:

Programa Funcional 2008-2009 do persoal sanitario da Fundación.

Xornada Complementaria 061

2008-06-20T16:58:00.003+02:00

Hoxe 20 de xuño, a Dirección envía ao Comité do 061 un novo borrador do plan funcional facendo unha proposta de aplicación de xornada complementaria, o texto dese punto é o seguinte:

1.4.2. XORNADA COMPLEMENTARIA ANUAL PARA FACULTATIVO E DUE.

A xornada complementaria para o persoal facultativo e DUE do 061 será a establecida para o persoal facultativo e DUE de PAC, de 1570 horas anuais.

Poderase incluír dentro da xornada complementaria ata un máximo de 35 horas no ano 2008 e 70 horas no 2009 para o persoal DUE, co fin da realización das tarefas dos comités de calidade incluídos no Plan de Calidade do 061.

1.4.2.1. OPCION DE VOLUNTARIEDADE DA XORNADA COMPLEMENTARIA

O persoal facultativo e DUE poderá optar polos seguintes tramos de prestación voluntaria (sobre a xornada ordinaria fixada no acordo de 31 de xaneiro de 2008): ata 230 horas; ata 450 horas; ata 660 horas.

Para a prestación da xornada complementaria sobre a fixada como ordinaria para cada ano atenderase á vontade das/os profesionais manifestada a través dun procedemento regrado, co fin de garantir a cobertura asistencial da poboación.

A opción de voluntariedade poderá ser solicitada polo persoal con nomeamento fixo ou de interinidade en vacante de praza.

O persoal substituto deberá realizar a atención continuada que resulte da opción do titular da praza.

No que se refire ao ámbito territorial, a oferta de voluntariedade ten como finalidade a cobertura da prestación no propio centro de traballo.

O profesional manifestarase tamén sobre a súa disposición para exercer a voluntariedade noutras bases da súa área , ou doutra área.

Co fin de concretar a limitación xeográfica das áreas, dividiranse as Bases en dúas áreas:

Area Norte: persoal adscrito as bases de A Coruña, Ferrol, ½ Santiago, e Lugo.

Area Sur: persoal adscrito as bases de Vigo, Pontevedra, ½ Santiago e Ourense.

As opcións relativas á prestación voluntaria de servizos noutras bases serán efectivas na medida en que a asistencia nesas bases non sexa cuberta pola voluntariedade nos mesmos ou polos aspirantes das listaxes de vinculacións temporais.

O persoal poderá manifestar tamén a súa participación nos DSRP na súa área de referencia, de forma independente á prestación voluntaria da atención continuada.

O persoal poderá optar tamén pola non prestación da xornada complementaria.

Este é o borrador, estudaremolo e presentaremos as alegacións que se consideren oportunas dentro da lexislación aplicable. Estamos a espera dunha nova convocatoria de reunión.

Reunion do Comité coa Dirección do 061 (13/06/2008)

2008-06-16T23:22:00.005+02:00

Na reunión do pasado venres, os temas principais a tratar eran:

O variable dos DUE
A xornada aplicable aos DUE

Basicamente no primeiro tema a Directora Asistencial garantiza o seu aboamento mensual (uns 85 €) na nómina, ainda non está claro o concepto no que aparecerá, o que si se sabe é que se incluirán en programas de calidade e desde logo non quedará nada escrito. As persoas que non esten de acordo con isto, poden renunciar as súas funcións e deixar de facelas. Mentres o noso sindicato, e o Comité de Empresa, seguirá loitando no Sergas por que se respeten os programas especiais como se comprometera.

En canto á Xornada, os enfermeiros teñen que decidir si queren seguir ca que teñen con reducción de 3 horas por noite traballada(acordo de concertacion social), o que como sabedes impide facer xornada complementaria (localizadas especiais, Sanxenxo, etc.), uo aceptar o acordo de PACs, isto solucionaría o problema das bases dobres (que teñen que facer 80 horas mais ao ano) e permitiría facer xornada complementaria de forma voluntaria.

A dirección quedou de mandar unha proposta para saber como se aplicaría esa xornada complementaria tanto para enfermaria como para facultativos e así poder pedirlle os traballadores que se pronuncien sobre o que prefiren.

Estamos á espera disto, mentres recomendovos que leades o documento de voluntariedade de PAC.

Seguimos ademais protestando polos calendarios da central que levan moito retraso igual que o reparto das vacacións.

Tamén se confirma que se van seguir pagando as noites e festivos a facultativos coa mesma cuantia que ata o de agora.

Borrador Carreira Profesional Fundacións

2008-06-10T15:21:00.004+02:00

Xa está dispoñible na Web de CIG Saúde o borrador do proxecto de Orde para o acceso a carreira profesional do persoal laboral das Fundacións integrado como estatutario.

Fonte: Cig-Saúde

Mesa Sectorial Carreira Profesional Fundacións

2008-06-05T20:33:00.002+02:00

Onte, 4 de xuño, celebrouse unha reunión da mesa sectorial sobre carreira profesional extraordinaria de persoal integrado de fundacións.

Da reunión cabe salientar que o SERGAS aceptou que a data de cumprimento do requisito sexa ter completados, no día inmediatamente anterior á data de efectos económicos, os seguintes periodos de servizos prestados:

Persoal licenciado sanitario: Grao I: 5 anos a data de 1 de xullo de 2007, Grao II-2008, Grao III-2009, Grao IV-2010.
Persoal diplomado sanitario: Grao I: 5 anos a data de 1 de xullo de 2008, Grao II-2009, Grao III-2010, Grao IV 2011.
Persoal das categorías de xestión e servizos e sanitario de F.P: Grao I: 5 anos a data de 1 de xullo de 2008, Grao II-2009, Grao III-2009, Grao IV- 2011.

Isto recolle as alegación presentadas por CIG-SAÚDE. No que a Administración non cedeu é no referente ao valor da contía anual por grao recoñecido, dado que estas serán a mesma contía do acordo SERGAS do ano 2007.

Avaloración da negociación é positiva, dado que se conseguiron dúas cousas importantes:

Que se computasen todos os servizos prestados independentemente do réxime xurídico no que foron prestados. Isto nono recolle a carreira de persoal estatutario.
Que os servizos prestados se computen a data de efectos económicos, e non un ano antes como pretendía o SERGAS. Isto favorece que máis persoal poida entrar en grao I e grao II.

Non temos data de publicación da Orde no DOG, nen data de publicación da resolución para presentar a documentación .

Fonte: Cig-Saúde

Asamblea Informativa Comité

2008-06-01T22:22:00.001+02:00

O comité de empresa convoca unha asamblea informativa para tódolos traballadores do 061 o día 3 de Xuño as 12:00 horas.

Tratarase o variable de enfermeiría e a xornada de persoal sanitario.

Xornada: Acordo Concertación Social 2001

2008-06-01T22:03:00.004+02:00

Aplicable a persoal estatutario sanitario non facultativo e persoal estatutario non sanitario do Sergas.

Para traballadores en quenda fixa diurna e rotatoria simple, xornada anual efectiva de 1.624 horas.
Para traballadores en quenda fixa nocturna, xornada anual efectiva de 1.430 horas.
Para traballadores en quenda rotatoria complexa, a xornada anual efectiva calcúlase en función das noites: 1620 - 3 x Número de noites traballadas.

Non hai complementaria (para cubrir horas hai que acudir ás listas de contratación).

Texto íntegro do acordo

Xornada: Acordo de PACs 2008

2008-06-01T21:49:00.005+02:00

Aplicable a persoal estatutario médico e diplomado en enfermería dos PACs.
Xornada ordinaria efectiva de 1430 horas/ano dende o 01/07/2009, ata daquela 1515 horas.
Tramos de prestación voluntaria de xornada complementaria:

230 horas (1660)
450 horas (1880)
660 horas (2090)

Voluntariedade para realizar a xornada complementaria en:

No propio PAC
PAC limítrofe
Calquera PAC de área

Voluntariedade para realizar a xornada complementaria en:

80% horas en Pac 20% en Unidade de Atención Ordinaria
100% horas en Pac

Podese rexeitar a prestación voluntaria.
Xornada obrigatoria ata as 1570 horas ano, se non chega coas complementarias voluntarias.

Xornada complementaria obrigatoria por riba das 1570 ou da opción de voluntaria por falta de persoal dispoñible.

As horas obrigatoria en exceso por riba das 2090 as horas anuais paganse con un 75% adicional ao e valor ou co dobre do seu tempo en descanso.

Textos íntegros dos acordos.

Acordo de Febreiro 2008 de Reducción Xornada 061

2008-06-01T21:39:00.003+02:00

Aplicable a persoal facultativo do 061

Xornada ordinaria:

1535 horas ano dende 01/01/2008
1480 horas ano dende 01/01/2009
1430 horas ano dende 01/01/2010

Xornada complementaria voluntaria ata 1624 horas ano.

Plan funcional bianual de 200 horas en coordinación e 90 horas en asistencial.

Compromiso para trasladar aos facultativos do 061 as melloras que se acadaran no acordo de Primaria.

Texto íntegro do acordo

Salarios Sergas 2008

2008-05-30T18:28:00.002+02:00

Este son, segundo os nos cálculos, os salarios brutos anuais segundo a orde de nóminas 2008 para as categorías de integración no 061. Non inclúe os obxectivos :

XEFE DE SALA 56.472,60 €
MEDICO COORDINADOR 47.673,62 €
XEFE BASE / BD 53.767,71 €
XEFE BASE / BS 49.822,53 €
MED ASIST. / BD 46.902,94 €
MED ASIST. / BS 42.958,12 €
DUE / BD 28.669,60 €
DUE / BS 26.308,53 €
XEFE DE SERVIZO 56.830,83 €
XEFE DE SERVIZO SEN C.E. 44.449,25 €
XEFE SERVIZO GRUPO TECNICO 36.253,59 €
GRUPO TÉCNICO FUNC. ADMINISTRATIVO 31.029,97 €
PERSOAL TÉCNICO SUPERIOR 31.029,97 €
TEC SUP SIST E TECNOLOX DA INFORMACION 31.029,97 €
GRUPO XESTIÓN 24.504,64 €
XEFE DE GRUPO ADMINISTRATIVO 22.352,33 €
GRUPO ADMINISTRATIVO 18.902,98 €
XEFE DE EQUIPO ADMINISTRATIVO 21.399,35 €

Fonte: Orde de Nóminas 2008

Que é un plan funcional?

2008-05-30T18:00:00.003+02:00

"Os plans funcionais serán o instrumento de adecuación das actuais condicións de traballo ao acordo e serán negociados cos traballadores das unidades e servizos.

Os plans funcionais serán tamén no sucesivo a ferramenta para recoller a adecuación das condicións de traballo á prestación asistencial e á organización desta, segundo se dispoña pola planificación da dirección do Sergas ou dos centros, en función
das respectivas competencias.

O plan conterá a programación funcional da unidade/servizo e o seu contido mínimo versará sobre as seguintes materias: vixencia da programación e a súa revisión; carteira de servizos; determinación de postos de traballo, coas súas características funcionais; horario dos postos, carteleira anual de presenzas e rotación; formas regradas de participación de todos os profesionais ante indispoñibilidade puntual de persoal para a cobertura de quendas de traballo; previsión de vacacións que se van desfrutar, horarios de reunión de traballo e horarios das sesións clínicas.

Poderán engadirse todas aquelas materias que os traballadores e a dirección dos centros acorden.

A programación funcional nas materias relacionadas coas condicións de traballo será negociada co persoal da unidade e cos representantes dos traballadores das organizacións asinantes deste acordo, procurando o máximo consenso no seu deseño. De non haber acordo a dirección realizará a programación anual mediante resolución motivada da dirección competente."

Texto sacado do Artigo 4.1 do Acordo de Urxencias Hospitalarias 2007

Mesa de Contratacións

2008-05-21T21:48:00.002+02:00

En reunións anteriores co Sergas, decideuse que as listas de contratación temporal das fundacións sigan vixentes ate que se negocie un pacto novo no Sergas. No caso de que se esgoten poderíamos tirar das do Sergas ou confeccionar unha lista nova cos criterios vixentes ate o de agora.

Como se está a confeccionar o novo pacto do Sergas, e alí xa estaremos incluidos, na CIG decidimos levar a seguinte proposta para o 061:

Manter unha lista propia para a área asistencial dada a formación especifica destes postos e pola proba de voo ou curso HEMS inminente de implantar (JAR ops-3) e as minusvalias físicas que poderían imposibilitar o traballo nos recursos.
Ofertar na FEGAS o curso de coordinación e pedilo como condición imprescindible para os postos de médico e Due de coordinación, así que estes estarían na lista xeral da área de Coruña e poderían ser chamados tanto para o Sergas como para 061, o cal seguramente nos daría un maior número de interesados.
Nos postos de menos movemento como administrativos, licenciados non sanitarios, etc incluílos na lista xeral do Sergas para ofertarlle mais posibilidades.

En calquera dos casos, para as categorías que no Sergas se lle conta como puntuación aprobar o examen OPE, contaríaselles igual ter aprobado a OPE na fundación (xa que se celebrou o mesmo día e cos mesmos criterios).

Carreira Profesional: Resumo

2008-05-13T16:24:00.003+02:00

A carreira profesional pidea o traballador estatutario fixo e trata de valorar a experiencia profesional nun determinado posto de traballo.
Os graos pidense secuencialmente, un a un (non varios xuntos), no réximen extraordinario un cada ano (si se teñen os méritos)
Réximen extraordinario é so a primeira vez (agora)
Avisarase de cando se abra o prazo para nos, seran 20 dias ou 1 mes máximo
Haberá unha comisión de avaliación en cada institución
Os efectos económicos son os que pon mais abaixo (según o grao que acade cada un).

Fontes: www.cig-saude.org

Carreira Profesional ¿Cando se pode solicitar?

2008-05-13T16:22:00.000+02:00

Nas fundacions ainda non se abreu o prazo, supoñemos que será en breve, estamos negociando as condicións definitivas, o que sí está pechado é os efectos económicos das carreiras negociadas nese momento.

Para o persoal das categorías de licenciado sanitario:

Grao I: efectos de xullo 2007.
Grao II: efectos de xullo 2008.
Grao III: efectos de xullo 2009.
Grao IV: efectos de xullo 2010.

Para o persoal das categorías de diplomado sanitario e de xestión e servizos:

Grao I: efectos de xullo 2008.
Grao II: efectos de xullo 2009.
Grao III: efectos de xullo 2010.
Grao IV: efectos de xullo 2011.

Carreira Profesional ¿Ten repercusión economica?

2008-05-13T16:19:00.002+02:00

É o estatuto Marco o que inclue no recoñecemento de carreira un concepto retributivo.

Licenciados sanitarios: 3000 € por grao
Diplomados sanitarios: 1950 € por grao (implantación progresiva 1750/ 1800/ 1875/ 1950 € )
Xestión e servicios: Todos tamén de implantación progresiva ata o 2011

A:2500 € por grao
B:1750 € por grao
C:1180 € por grao
D:1000 € por grao
E:800 € por grao

¿Cómo se acada o grado de carreira?

2008-05-13T16:15:00.002+02:00

O deseño do sistema de recoñecemento (complicado) debe adaptarse ás peculiaridades intrínsecas á respectiva profesión ou colectivo. Con tal motivo, aparece un tratamento diferenciado do sistema de recoñecemento do desenvolvemento profesional dos diferentes colectivos (a desarrollar no reximen ordinario).

En consecuencia, o sistema estructurase en catro graos. O acceso a estes graos é voluntario para o profesional que deberá acreditar a experiencia profesional mínima esixida para cada un deles e solicitalo.

Licenciados Sanitarios

Grao I: 5 anos.
Grao II: 12 anos.
Grao III: 18 anos.
Grao IV: 23 anos.

Diplomados Sanitarios, Licenciados non sanitarios e resto categorías

Grado I: 5 anos.
Grado II: 12 anos.
Grado III: 19 anos.
Grado IV: 25 anos.

Requisitos

Ostentar a condición de persoal estatutario con praza en propiedade nas institucions sanitarias do SERGAS.
Estar en situación de activo, no momento da solicitude.
Acreditar o tempo de experiencia profesional na mesma categoría para cada grao.
Haber participado nos 5 exercicios inmediatamente anteriores á data da solicitude nos obxetivos asistenciales, (complemento de productividade variable) da institución do Sergas na que estivese prestando servicios, e acreditar o seu cumprimento nun 70% en cada uno dos 5 exercicios ou nun 75% de promedio.
Haber acreditado o grao inmediatamente inferior ó solicitado, para os casos do grao II e sucesivos.

Carreira Profesional ¿E o persoal das fundacións teñen ese dereito?

2008-05-13T16:14:00.000+02:00

Despois dunha longa e dura negociación no decreto de estatutarización consiguese que o tempo traballado nas fundacións como laboral sea contado como o estatutario do Sergas para aquelas persoas que se estatutaricen no seu posto de traballo ca seguinte redacción (cap. 8 da orde de integración):
Tras o remate dos procesos de integración que se regulan neste decreto establecerase o procedemento para que o persoal fixo en 31-12-2005, que tivese optado pola súa integración no réxime estatutario, poida acceder ao recoñecemento previo do nivel do desenvolvemento profesional, de conformidade co disposto no Decreto 155/2005, do 9 de xuño, de réxime extraordinario de recoñecemento e desenvolvemento do persoal estatutario

Carreira Profesional: ¿Por qué se chama Reximen Extraordinario?

2008-05-13T16:11:00.001+02:00

Convocase por primeira e única vez unha convocatoria extraordinaria, onde só se vai pedir tempo traballado e obxetivos e queda por negociar o baremo para o reximen ordinario (agora mesmo en proceso de negociación) no que se valorarán outros “ítems” (formación, docencia, implicación coa empresa, etc.).

¿Qué é a Carreira Profesional?

2008-05-13T16:08:00.001+02:00

A Lei 7/2003, de 9 de decembro, de ordenación sanitaria de Galicia, e a Lei 55/2003, de 16 de decembro, do estatuto marco do persoal das institucions sanitarias do Sistema Nacional de Saúde refirense á carreira profesional como "o dereito dos profesionales a progresar de forma individualizada, con recoñecemento do seu desenvolvemento profesional en canto a coñecemento, experiencia e cumprimento dos obxetivos da organización na que prestan os seus servicios".

Ditas previsions lexislativas impoñen ás administracions sanitarias o desenvolvemento reglamentario do sistema de recoñecemento do desenvolvemento profesional.

Programa Funcional

2008-05-09T18:53:00.003+02:00

A Dirección do 061 suspende, sen dar explicacións, a renuión prevista para o Luns 12 co Comite de Empresa e demais Representantes Legais dos Taballadores . O punto do día principal desta renuión era o "programa funcional".

E moitos de vos preguntaredes, que é un "Programa Funcional"?. Como exemplo da importancia deste programa, e tocando un tema de moda estes días na Fundación, recordemos o que dí a Lei 55/2003, do 16 de decembro, do Estatuto Marco do Persoal Estatutario dos Servizos de Saúde, no seu Artigo 53.2 Vacacións Anuais:

"O período ou períodos de disfrute da vacación anual fixarase conforme ao que prevexa ao respecto a programación funcional do correspondente centro."

Carreira Profesional Persoal Integrado

2008-05-07T21:10:00.002+02:00

O Sergas convocou unha renuinón o vindeiro luns 12 de maio para escomenzar a negociación da orde que permitirá o acceso ao réxime extraordinario de Carreira Profesional ao persoal integrado das fundacións para todalas categorias.

Novo!!! Reunión retrasada para o día 14